ШҚО-да 2016 жылға қарай ет экспортын 4 мың тоннаға дейін көтеру жоспарлануда
31 Қазан, 2013 11:28
Экспорттық әлеуетті жетілдіру мақсатында облыста етті ірі қара шаруашылығын дамыту бойынша мақсатты жұмыстар қолға алынуда, деп хабарлайды облыс әкімдігінің баспасөз қызметі.
2011-2013 жылдар аралығында облыста 5760 бас етті ірі қара малдың 7 тұқымдық репродукторы құрылды.
«Атқарылып жатқан шаралар 2016 жылға қарай ет экспортын 4 мың тоннаға дейін жеткізуге мүмкіндік береді. Биылғы жылдың өзінде облыс 100 тонна ет өнімдерін сыртқа тасымалдады. Соның ішінде шұжықтар, ет пен ет өнімдері де бар», - деллінген хабарламада.
20147 жылы ет пен ет өнімдері экспорты 1 мың тоннадан асады деп күтілуде.
Сонымен қатар «Сыбаға» бағдарламасы бойынша 18,1 мың бас ірі қара мен тұқымды бұқа сатып алынып, шет елдік селекциялардан 1580 бас етті ірі қара малы алынды.
Малды бағу үшін 2011 жылдан бері облыста 64 қора салынды. Ондағы мал сиымдылығы 11,4 мың бас. Бүгінде жалпы өңірде 33,5 мың бас ірі қара мен оларға арналған 267 қора бар.
