ЕЭК-те ЕАЭО елдеріндегі қаржы заңнамаларын үйлестіру бойынша шаралар келісімі мақұлданды

13 Қазан, 2015 19:21

ЕЭК Коллегиясы ЕАЭО елдеріндегі экономика және қаржы, техникалық реттеу, энергетика және инфрақұрылым салаларындағы заңнамаларды үйлестіру бойынша шаралар келісімінің жобасы мақұлдады.

Баспасөз қызметінен хабарлағандай, оны ЕАЭО-ға мүше мемлекеттерге ішкі келісуге жіберу туралы шешім қабылданды. Құжат ережесі ЕАЭО-ның елдеріндегі қаржы салаларындағы заңнамаларды үйлестіру бойынша шараларды анықтайды.

«Жобаның 6 бабын келісу бойынша келіспеушіліктер туындады, осы ретте ЕЭК ЕАЭО-ға мүше мемлекеттердің қаржы саласындағы заңнамасын үйлестіру бойынша жоспарды бекіту бойынша Жоғарғы Еуразиялық экономикалық кеңес болуы тиіс деген ортақ пікірге келді», - делінген хабарламада.

Айта өтейік, келісімде қаржы нарықтарында жұмыс істеу бойынша ЕАЭО аясында ортақ қаржы нарығын құру, өзара аталмыш секторда қызмет түрлерін көрсету үшін лицензияларды өзара мойындау бойынша талаптар жөнелтілді.

Құжат ЕАЭО мүше мелекеттердің қаржы нарықтарын мемлекеттік реттеу, бақылау және қадағылау бойынша талаптарды жетілдіру қажеттілігінен жасақталды.

Қаржы салаларындағы заңнаманы жетілдіру жағдайында ЕАЭО-ның ортақ қаржы нарығы жұмыс істейтін болады. Ол қаржы қызметтері мен капиталдың еркін қозғалысына, сонымен қатар бизнестік дамуына оң әсер ететін үйлестірілген тәртіптер мен ережелерге негізделеді.

Барлық жаңалықтар