• Басты
  • 108 жас авиатор Қазақстанның ӘӘК-нің бөлімдеріне қызмет етуге аттанады (ФОТО)
14 Қазан, 2015 08:36

108 жас авиатор Қазақстанның ӘӘК-нің бөлімдеріне қызмет етуге аттанады (ФОТО)

Ақтөбе қаласындағы ҚР Тұңғыш Президенті атындағы саябақта жас лейтенант-авиаторларының шығарылымы өтті, деп хабарлады Қорғаныс министрлігі.
108 жас авиатор Қазақстанның ӘӘК-нің бөлімдеріне қызмет етуге аттанады (ФОТО)

Кеңес Одағының екі мәрте батыры Т. Бигелдинов атындағы Әуе қорғанысы күштері Әскери институтының 108 түлегіне ҚР Қорғаныс министрінің бұйрығымен «лейтенант» бірінші офицерлік атағы берілді, жоғары білімі туралы дипломдар мен төсбелгілер табыс етілді. 

Бітірушілер қатарында ҰҚШҰ-ның бағдарламасы бойынша жоғары оқу орнында білім алған Қырғызстан мен Тәжікстанның 15 өкілі бар. Бозбалалар әскери істі оқып-үйренді, авиациялық мамандықтарды игерді, дене төзімділігін дамытты. Төрт жыл ішінде жоғары оқу орнының командалық және профессорлық-оқытушылар құрамының қорғауымен кешегі оқушылар өз елін қорғауға дайын  нағыз офицерлерге, тәртіпті әскерилерге,  білікті авиациялық мамандарға айналды. Оқу барысында курсанттар Әскери-әуе күштерінің авиациялық бөлімдерінде ұшу практикасы мен әскери тағылымдамадан өтті, авиациялық техниканың ұшу және техникалық пайдаланудың практикалық машығын меңгерді.

«Жауынгерлік басқару офицерлері» мамандықтарының курсанттары 20-дан аса өзіндік оқу-жаттықтыру көздеулері мен әуе кемелерін басып алуды жүзеге асырды. Ал инженерлік-техникалық құрам ӘӘК бөлімдерінің ұшуларын қамтамасыз етуде белсене атсалыса отырып, ұшақтардың әртүрлі типтерінде 100 сағаттық регламенттік жұмыстарды орындады. Барлық курс бойынша қазіргі түлектердің жалпы ұшып өтуі Ан-26-да 209 сағатты, Л-39-да 388 және Ми-8-де 349 сағатты құрады.

Жас офицерлердің арасында Әуе қорғанысы күштерінің Әскери институтында білім алу кезінде әскери авиациялық мамандардың кәсібін игеріп қана қоймай, сонымен бірге спортта, ғылыми жұмыста жоғары нәтижелерге қол жеткізді, оқу-материалдық базаны жетілдіру бойынша ұтымды ұсыныстарын ұсынды. Лейтенаттардың шығарылымы ерекше жөн-жоралғымен орындалған салтанатты рәсім екенін айта кеткен жөн. Әскери бөлімнің нақышы, даңқы мен мерейі, ата-бабаларымыздың ерліктері мен Отан қорғаудың қасиетті борышы болып табылатын Жауынгерлік Туды шығару, алғашқы офицерлік вальс, жоғары оқу орнының курсанттары ретіндегі соңғы марш.


 

Барлық жаңалықтар