Астанада ТКШ бағдарламасы бойынша 12 тұрғын үй жөнделді

13 Қазан, 2015 12:47

Астанада биыл ТКШ бағдарламасы бойынша 12 көпқабатты тұрғын үй жөндеуден өтті, деп хабарлады «Өркен қала» ЖШС директоры Қахарман Джазин.

«Өркен қала» ЖШС мамандандырылған ұйымы Астана қаласының әкімдігі мен 2011-2020 жылдарға арналған ТКШ жаңғырту бағдарламасы бойынша жұмыс істейді. Компанияның мәліметінше, 2015 жылы бөлінген қаржы Алматы және Сарыарқа аудандарының 12 көпқабаттық үйін эөндеуге бағытталды.

«ТКШ жаңғырту бағдарламасы өз жұмысын 2011 жылдан бастап жүзеге асыруда, осы жылы 430 млн теңгенің 12 үйі жөнделді. Жирентаева 15/1 мекен-жайында орналасқан көпқабатты тұрғын үйінде 38 млн теңгеге жөндеу жұмысы жүргізілді. Үй апатты жағдайда тұрған болатын. Ыстық су болмай, дәліздер нашар жағдайда болды», - деді ол.

Айта кетерлігі, бағдарламаның негізгі талаптарының бірі жылуэнергиясын қолданатын тұтынушылар шығынын үнемдеу болып табылады. Орташа есеппен жылу энергиясын 30 пайыздан 50 пайызға дейін үнемдеді.

«Бағдарламаны қолдану тиімді әрекетке әкелетіні белгілі. АТП қондырғысын орнату жылу энергиясын екі есеге үнемдейді. Қабаттардың жөндеуін жүргізіп, шатырларды ауыстырдық», - деді К.Джазин.

Ұйымның хабарламасы бойынша, қазіргі уақытта тұрғын үйлердің тізімі 2016-2017 жылдардың ТКШ жаңғырту бағдарламасына енді.