Қашаған жобасын кеңейтуде «ерте тендерге» қолдау көрсету үшін 15 тауар мен қызмет түрі іріктелді

«Жер қойнауын пайдаланушылардың мемлекеттік сатып алуларына терең сараптама жүргізілді.  Операторлармен бірігіп, біз Қазақстанда шығаруға тиімді болатын тауарлардың үздік ондығын анықтадық. Олар электр жабдығы, айнала салынатын құбырлар, магистралді құбырлар, айналмалы жабдық, жылу алмастырғыштар, сыйымды ыдыстар, клапандар, фитингілер, фланецтер, химиялық реагенттер. Бүгінгі күннің өзінде бұл бағытта оң нәтижелер бар», - деді  М.Мырзағалиев.

Оның айтуынша, тағы бір бастама  - «ерте тендер» тетігінің енгізілуі.

«Мұнда мерзімді кейінге қалдыру арқылы (2 жылдан бұрын емес) тауарды жеткізуге немесе қызметті көрсетуге арналған келісімшарттар жасау көзделген. Осы уақыт өндірушіге Қазақстан аумағында өндірісті жолға қою үшін беріледі. Ол үшін тауарлар мен қызметтердің 15 түрі таңдалды. 6 тауарлық жайғасым биыл іске асырылмақ», - деп толықтырды вице-министр.

Айта өтейік, «Норс Каспиан Оперейтинг Компани» де бағасы төмен жайғасымдар бойынша, ал кейіннен жоғары бюджеттік жайғасымдар бойынша «ерте тендерді» енгізуді жоспарлап отыр.

Анар Тәңірқұлова