2021 жылға дейін 75 пайыздық жергілікті қамтуы бар мұнай-газ компанияларына 20 пайыздық жеңілдік болады

«Қазақстанның Дүниежүзілік сауда ұйымына мүше болуsy екі жағынан қарастыруға болады. Біріншіден, бұл біз үшін үлкен абырой. Ал екінші жағынан отандық кәсіпкерлер үшін сынақ. Себебі, бұл ұйымның ережесі жергілікті қамту мәселесінде мемлекеттік қолдаудың механизимдерін пайдалануға айтарлықтай шектеу қояды. Дегенмен, Қазақстан жер қойнауын пайдалануда 2021 жылдың 1 қаңтарына дейінгі өтпелі кезеңнің шарттарын пайдалана отырып, қолданыстағы келісімшарттардағы жергілікті қамту бойынша міндеттемелерді сақтап қала алды. Аталған шарт 2015 жылдың 1 қаңтарына дейін немесе аяқталу уақытының бастапқы мерзіміне дейін жасалған келісімшарттарға қолданылады», – дейді вице-министр.

Оның айтуынша бұрын Қазақстанда жұмыс істейтін мұнай-газ компанияларына жасалатын 20 пайыздық шартты жеңілдікке бүгінгі күні өзгеріс енгізілген.

«Екінші бір мәселе қызметтерді сатып алу нарығы. Бұл жерде де Қазақстан жер қойнауын пайдалануға қатысты келісімшарттарды жергілікті қамту жөніндегі талаптарды жоғалтқан жоқ. Ол 50 пайыздық деңгейде. Бүгінге дейін мұнай-газ компанияларының сатып алудағы 20 пайыздық шартты жеңілдік сақталып қалды. Бұған дейін бұл жеңілдік құрамында 75 пайыз қазақстандық жұмысшылар істейтін компанияларға берілетін еді. Ал қазір шамамен 50 пайызы қазақстандық жұмысшылар қызмет ететін компанияларға беріледі», – дейді М.Мырзағалиев.

Анар Тәңірқұлова