«Нұрлы жол» аясында 2015 жылдың соңына дейін Астана - Петропавловск автожолының 60 шақырымы пайдалануға беріледі

13 Қазан, 2015 10:38

«Нұрлы жол» аясында 2015 жылдың соңына дейін Астана - Петропавловск автожолының 60-қа жуық шақырымы пайдаланылуға беріледі. Бұл туралы «Strategy2050.kz» АА-ға «ҚазАвтоЖол»ҰК»АҚ хабарлады.

«Астана - Петропавловск жобасы жүзеге асырыла бастағалы 64 км асфальтобетон жабындысы жабылды. Солтүстік Қазақстан облысы бойынша Көкшетау - Петропавловск учаскесінің 106 км төселді. Сонымен қатар, ұзындығы 11 км Петропавловск қаласының айналма жолын қайта қалпына келтіру басталды. Жыл соңына дейін 55 км пайдаланылуға беріледі», - делінген хабарламада.

Сонымен қатар, Петропавловск - РФ шекарасы (аяқталуы 2015 жыл) учаскесінің 68 км бойынша жобалық сметалық құжатнамасын жасақтау жұмыстары жалғасуда. Құрылыс жұмыстары 2016 жылы басталады.

Бұдан басқа, Алматы-Өскемен жобасы бойынша ұзындығы 157 км Қапшағай – Талдықорған учаскесінде құрылыс жұмыстары жүргізілуде.

«Жыл соңына дейін 53 км пайдаланылуға беру жоспарланған. Ал, қалған 104 км 2016 жылдың соңына дейін аяқталатын болады», - деп компаниядан хабарлады.

Индира Кауметова