• Басты
  • Ақмола облысының ауылдарына «Дипломмен ауылға!» бағдарламасы бойынша 3 мыңға жуық жас маман келді

Ақмола облысының ауылдарына «Дипломмен ауылға!» бағдарламасы бойынша 3 мыңға жуық жас маман келді

13 Қазан, 2015 09:21
Ақмола облысының ауылдарына «Дипломмен ауылға!» бағдарламасы бойынша 2009 жылдан бастап жұмыс істеуге және тұруға 2855 жас маман келді, деп хабарлады облыс әкімдігі.

Айта өтейік, олардың 2 152 – білім беру, 536 – денсаулық сақтау, 86 – мәдениет, 50 - ветеринария, 21 – спорт және 10 – әлеуметтік қамтамасыз ету салаларына келді.

Айта өтейік, жаңадан келген жас мамандарға жалпы сомасы 319,7 млн теңге көлемінде көтерме жәрдемақысы берілді. Ал, тұрғын үй алуға бюджеттік несие 1 027 маманға  2 млрд 142 млн теңге көлемінде берілді.

Ағымдағы жылы Ақмола облысына жыл басынан бері 305 маман тартылды. Көтерме жәрдемақыларды төлеуге 59,7 млн теңге жоспарланып отыр.

Қаржылай қолдау аясында ағымдағы жылы республикалық бюджеттен 356 млн теңге бөлінді, бұл өз кезегінде 202 ауылдағы 225 жобаны қарастыруға мүмкіндік берді. Бүгінде жалпы сомасы 315,6 млн теңгеге 205 жоба жүзеге асырылды, қалғандары қазан айында толығымен жүзеге асырылады.

Барлық жаңалықтар