15 қазанда Ресей Федерациясының Президенті Қазақстанға мемлекеттік сапармен келеді
12 Қазан, 2015 16:28
Ақорданың баспасөз қызметі Мемлекет басшысы Нұрсұлтан Назарбаевтың қатысуымен өтетін алдағы іс-шаралардың аңдатпасын жариялады.
15 қазанда Ресей Федерациясының Президенті Владимир Путин Қазақстанға мемлекеттік сапармен келеді.
Мемлекет басшыларының екіжақты деңгейде және Еуразиялық экономикалық одақ аясында сауда-экономикалық ынтымақтастығын талқылауы жоспарланып отыр. Сондай-ақ аймақтық қауіпсіздік пен жаһандық күн тәртібі мәселелері қарастырылады.
16 қазанда Қазақстанның төрағалық етуімен ТМД мемлекет басшыларының кеңесі болып өтеді.
Кездесуге қатысушылар лаңкестікпен бірлесіп қарсы әрекет етудің негізгі аспектілерін, қауіпсіздік пен құқық тәртібін қамтамасыз ету, Достастық мемлекеттері күш органдарының ынтымақтастығын талқылайды деп күтіліп отыр.
