Павлодарда мұражайаралық жобаларды жүзеге асырады

31 Қазан, 2013 10:08

Г.Н.Потанин атындағы Павлодар облыстық тарихи-өлкетану музейінде Қарағанды облыстық тарихи –өлкетану музейінің «Сарыарқа- далалық өркениеттің алтын бесігі» атты көрмесінің ашылу рәсімі өтті, деп облыс әкімдігінің баспасөз қызметі хабаралады.

«Көрменің мақсаты музейлер аралық жобаны және Қазақстан музейлері қорларының коллекцияларын насихаттау, республикада тұратын халықтардың мәдени мұрасын дамыту, рухани және ұлтаралық келісімді уағыздау болды», - деп хабарламада нақтыланған.

Аталған көрменің ашылу салтанатына мәдениет саласы қызметкерлері, тарихшы- ғалымдар, зиялы қауым өкілдері, С.Торайғыров атындағы Павлодар мемлекеттік университетінің, Павлодар мемлекеттік педагогикалық институтының, Инновациялық Еуразия университеті және Б.Ахметов атындағы Павлодар педагогикалық колледженің оқытушылары мен студенттері қатысты.

Көрменің ашылу рәсімінде сөз алған Павлодар облыстық мәдениет басқармасының бас маманы Қ.Қарғасеков, облысымызға белгілі тарихшылар Б.Құдайбергенұлы, С.Раздықов,археолог- ғалымдар В.Мерц, Т.Смағұлов көрме туралы өз ойларымен бөлісіп,Қарағандылықтарға алғыстарын білдірді.

Барлық келушілерге көрме бойынша экскурсия өткізілді.

Барлық жаңалықтар