Қостанай облысында соңғы 5 жылда мал шаруашылығы саласында 61 жоба жүзеге асырылды
Оның айтуынша, 6 мың бас сүтті сиырға арналған 13 сүт-тауарлы ферма, 27 қара мал бордақылайтын алаң, 14 мың бас сүтті ІҚМ арналған 15 асыл тұқымды репродуктор шаруашылығы, ет және жұмыртқа бағытындағы 6 құс фабрикасы пайдаланылуға берілді.
«Бұл өнім өндірісін арттырып, АӨК субъектілерінің жағдайын тұрақтандыруға мүмкіндік берді», - деп атап өтті ол.
«Сыбаға» бағдарламасын жүзеге асыру аясында облысымызда 18,9 мың қара мал сатып алынды, бұл бағытқа 3,9 млрд. инвестициялық қаржы құйылды.
«Ал, үстіміздегі жылы жоспардағы бес мың бас малдың орнына үш мың мал басы сатып алынды. Қазіргі таңда қаржылық институттарда 2391 мал басын сатып алу үшін он алты өтініш жатыр», - деп хабарлады аймақ әкімдігі.
«Алтын асық» бағдарламасы аясында облыста жоспар бойынша 10 мың қой сатып алынады деп есептелінгенімен, нақты түрде 3575 қой сатып алынды. Бұл жоспардың 36%.
«Құлан» бағдарламасы бойынша өңірімізде 2217 жылқы сатып алынды. бұл жоспарды 111% асыра орындау болып табылады.
