Румыния делегациясы ҚХА қызметімен танысты (ФОТО)

12 Қазан, 2015 13:06

Бүгін Бейбітшілік және келісім сарайында Қазақстан халқы Ассамблеясы Төрағасының орынбасары - Хатшылық меңгерушісі Ералы Тоғжанов Румыния Сыртқы істер министрлігінің Мемлекеттік хатшысы Себастеан Хоткамен кездесті.

«Қазақстанда 130 халық пен 17 конфессия өмір сүріп жатыр. 1995 жылы Ел Президенті Қазақстан халқы Ассамблеясын құрды. Қазақстандағы барлық этникалық топтар, санына қарамастан тең құқылы. Елімізде 20 мыңнан астам румын өмір сүреді. Олар негізінен Қарағандыда және Павлодарда тұрады. Қазақстанда саны мыңнан аспайтын этникалық топтар да бар, мысалы, болгарлар, ал абазалықтардың саны 56-ны құрайды», - деді Е.Тоғжанов.

Өз кезегінде Румыния СІМ мемлекеттік хатшысы Қазақстанға елдегі барлық тұрып жатқан халыққа қамқорлық көрсеткені үшін алғыс айтты.

«Румын халқы бүкіл әлемде тұрғанымен біз барлығын бір халық ретінде танимыз, себебі олардың барлығы румын тілінде сөйлейді. Біз Молдавия, Трансильвания, Буковина мен Румыниядағы румындардың еш бөлмейміз. Біз өз мәдениетімізді дамыту мәселесін маңызды деп санаймыз. Ең бастысы, бізге бейбітшілік пен барлық этникалық шағын елдердің, шағын халықтардың қатысуы керек», - деді Себастеан Хотка.

Айта кетейік, Қазақстанда 20 мыңнан астам румын өмір сүреді.

Анар Тәңірқұлова

Суретке түсірген Азамат Әлиев