Азық-түлік корпорациясы 4-ші сыныпты бидайды тоннасына 31 мың теңгеге сатып алу басталғанын хабарлады

12 Қазан, 2015 12:19

Азық-түлік келісім шарт корпорациясы 4 сыныпты бидайды қабылдауды бастағандығы туралы хабарлайды, деп хабарлады корпорацияның баспасөз қызметі.

Ағымдағы жылы ауа райы-климаттық жағдайлар өткен жылдағыдай өнімнің жалпы көлеміндегі жемшөптік астықтың үлесінің артуына әсерін тигізді. Сәйкесінше бұл жағдай «Азық-түлік келісім шарт корпорациясы» ҰК» АҚ-ың форвардтық сатып алу бағдарламасы бойынша ауыл шаруашылығы тауарларын өндірушілердің ағымдағы жылдың көктем мезгілінде алған ақшалай қаражаттарының қайтарылу мәселесін қиындатты.

Осыған орай 2015 жылдың 12 қазанында «Азық-түлік келісім шарт корпорациясы» ҰК» АҚ 2015 жылдың өнімінен 4 сыныптыTriticum aestivum L. бидайын форвардтық сатып алу шарттары бойынша, тоннасына 31 000 тенге баға бойынша (ҚҚС қоса есептегенде) қабылдаудың басталғандығы туралы хабарлады.

Қабылданған шаралар бидай өндірушілерге алынған қарыз қаражатын уақтылы қайтаруға мүмкіндік береді.