Мемлекет басшысы: Қазақстан мен Украина арасындағы экономикалық байланысты нығайту екі елге де тиімді

«Бүгін бұл алаңда Қазақстан мен Украинаның іскерлік ортасы, өз саласының көшбасшылары жиналды. Біздің елдерді жеткілікті білетін шығарсыздар. Біздің халық тарих кезеңдері арқылы, бірлескен жұмыстар мен жобаларды атқару бойынша  тығыз байланысқан. Қазақстандықтар украиндықтармен бірге екінші дүниежүзілік соғысқа, Ұлы отан соғысында  Украинаны  қорғауға қатысты. Украина жерінде қазақстандықтардың біршамасы жан тапсырды», - деді Н.Назарбаев.

Елбасының айтуынша, бүгін тәуелсіздік жағдайында экономикалық қарым-қатынасты нығайту қажет.

«Қазақстанда украиндық капиталдың қатысуымен 400 кәсіпорын жұмыс істейді. Біз сіздердің болашақта бірлесіп жұмыс істеп, инвестиция тартуға бағытталған ниетіңізді жақсы бағалаймыз. Бүгінгі шарада бірқатар меморандумға қол қойылды, көптеген келешегі зор жобалар бойынша жұмыстар жүргізілуде. Алайда, біздің ынтымақтастығымыз бүгінгі таңда әлі толық жүзеге аспады. Біздің елдер арасындағы тауар айналымы соңғы кезде екі есеге қысқарды. Бұл жерде объективті себептер көп. Бүгін Петр Алексеевичпен жеке келіссөз барысында бұл жағдайды орнына келтіретін өзге қырларды қарастырдық. Сондықтан бүгінгі кездесу кәсіпорындар арасындағы байланысты нығайта түседі», - деді Елбасы.

Анар Тәңірқұлова