ҚР Президенті: Қазақстан мен Украина арасындағы серіктестіктің басымдығы тасымал әлеуетін пайдалану болуы тиіс
«Біз бүгінгі шара, екі елдің іскер адамдарының кездесуі кәсіпорындарымыз арасындағы байланысты қалыптастыруға, нығайтуға септігін тигізеді деген үміттеміз. Біз әрқашан әскери техника саласында ынтымақтастық мәселесінде өте жақын болдық, оны бүгінде де жалғастыру керек. Сонымен қатар, Қазақстан мен Украина арасындағы серіктестіктің басымдығы тасымал әлеуетін пайдалану, атом энергетикасы, ғарыш саласындағы ынтымақтастық болуы тиіс»,-деді Н.Назарбаев.
Елбасы атап өткендей, соңғы жылдары Қазақстан Жібек жолы бағдарламасына қатыса отырып, Батыс Украинадан бастап Ресей шекарасына дейін «Батыс Еуропа - Батыс Қытай» жоғары дәрежедегі автомобиль жолдарын салды.
«Бізге іскерлік байланыстарды одан ары дамытатын тың күш керек, ортақ тарих бізге бұданда тығыз серіктестікке иек артуға мүмкіндік береді. Бұл ретте көлік проблемалары, Украина мен Ресей арасындағы қақтығыстар, Ресейге қарсы және қарама-қарсы санкция мәселелері кедергі болып отыр. Алайд осындай қиын жағдайға қарамастан бірлесіп жұмыс істеуге және қолдау көрсетуге ниетіміз бар»,-деп баса айтты ҚР Президенті.
Ботагөз Айтжанова
