П.Порошенко Н.Назарбаевты 2016 жылы Украинаға мемлекеттік сапармен келуге шақырды

«Мен Құрметті Нұрсұлтан Назарбаевты келер жылы Украинаға мемлекеттік сапармен келуге шақырдым. Менің ұсынысым қабылданғанына ризамын», - деді П.Порошенко.

Сондай-ақ, украиндық Президент  Елбасына қазақстандық жерде жылы қарсы алғаны үшін алғысын білдірді.

«Қазақстан Президентіне  қонақжай қазақ жерінде жылы қарсы алғаны үшін алғысымды білдіремін», - деді ол.

Естеріңізге сала кетейік, Астанаға елімізге алғашқы мемлекеттік сапармен Украина Президенті Петр Порошенко келді. Кездесу барысында сауда-экономика, көмір өнеркәсібі, көлік-логистика және агроөнеркәсіп кешені салаларындағы ынтымақтастықты нығайту жолдары талқыланды.Сонымен қатар, мемлекеттер басшылары күн тәртібіндегі өзекті халықаралық мәселелер жөнінде, соның ішінде Украинаның оңтүстік шығысындағы ахуал мен Минск уағдаластықтарының жүзеге асырылу барысы туралы пікір алмасты.

Индира Кауметова