2016 жылы Халықаралық теңіз ұйымы Қазақстан туымен жүзетін кемелерге міндетті аудит жүргізеді
Осыған орай, аталған Қарарлардың талаптарын орындау 2016 жылы Қазақстанда өтетін Халықаралық Теңіз Ұйымының (IMO) міндетті аудитінің бір мәселесі болып табылады.
«Сауда мақсатында теңізде жүзу туралы» Қазақстан Заңына сәйкес Қазақстанның Мемлекеттік туымен жүзетін кемелерге техникалық куәландыруды және сыныптауды халықаралық шарттарға сәйкес белгiленген тәртiппен таныған шетелдік сыныптау қоғамы жүзеге асырады.
Солардың бірі француздық «BUREAU VERITAS MARIN KAZAKHSTAN LLP» (BV), ол Қазақстанда 2009 жылдан бастап жұмыс істеп келеді.
Айта кетейік, 2015 жылдың қыркүйегінде Көлік комитеті «BV» шетелдік сыныптау қоғамының қызметін тексерді.
Тексерістің мақсаты сыныптау қоғамының Қарарларында көрсетілген негізгі минималды стандартқа сәйкестігін және ұйымның Теңіз әкімшілігімен арадағы Келісім талаптарының орындалуын анықтау.
«BV» сыныптау қоғамының есебінде Қазақстан туы астында жүзетін кемелердің жалпы жиынтық сыйымдылығы 46434 регистрлік тонна құрайтын 62 кеме тіркелген.
2015 жылы «BV» инспекторлары 41 кемені куәландырды, қазақстандық 5 мекемеге радиожабдықтар, суасты инспекциясын және кеме корпусының қалыңдығын өлшеу туралы тану куәліктері берілді, сонымен қатар 1 компания қауіпсіздікті басқару бойынша Халықаралық кодексінің талаптарына (ҚБХК) сәйкестігі куәландырылды.
«BV» сыныптау қоғамының қызметіне тексеріс нәтижесі оның әкімшілік атынан жұмыс істейтін танылған ұйымдардың Қарарларында көрсетілген минималды стандарттарына сәйкес екендігін көрсетті және Қазақстан кемелердің техникалық қауіпсіздігін тиісті деңгейде қамтамасыз етуде.
