Қазақстан мен Украина қарапайым саудадан бірлескен жаңа кәсіпорындарды құруға көшу жұмыстарын ілгерілетуге келісті

«Бүгін біз сауда-экономика, көмір өнеркәсібі, көлік-логистика және агроөнеркәсіп кешені салаларындағы ынтымақтастықты нығайту жолдары талқыладық. Ынтымақтастықтың барлық салаларын қарастырдық. Әрине, қазір де біраз қиыншылықтар бар. Бірақ, екі ел арасында сәтті экономикалық қарым-қатынас орнатылды», - деді Мемлекет басшысы.

Н.Назарбаев атап өткендей, келіссөздер аясында Қазақстан мен Украинаның негізгі салаларының ынтымақтастығы талқыланды.

«Меніңше, жанармай-энергетикалық, өндірістік кешен, ауыл шаруашылығы және өзге салаларды біз сәтті шешеміз.

Қазақстан мен Украина қарапайым саудадан  бірлескен жаңа кәсіпорындарды құруға көшу жұмыстарын ілгерілетуге келістік. Бұл елдің экономикасын әртараптандыру жедел саясатымен үйлесіп отыр. Біздің республикамен қатар бұл Украинаның да қызығушылығына жауап береді», - деді Мемлекет басшысы.

Айта кетейік, бүгін Астанаға алғашқы жұмыс сапарымен Кураина Президенті Петр Поршенко келді. Кездесу барысында тараптар сауда-экономикалық қарым-қатынас пен екіжақты ынтымақтастықты талқылады.

Индира Кауметова