Н.Назарбаев: Қазақстан мен Украинаның достығы мен өзара түсіністігі тарихының тамыры тереңде жатыр

«Мен Украина Президентінің сапарына өте қуаныштымын, ол бізге Қазақстанға шақыртуымызбен алғаш рет келіп отыр. Біздің елдеріміздің достығы мен өзара түсіністігінің тарихи тамыры тереңде. Біз әрқашан қатынасымызды сындарлы ынтымақтастық принципі бойынша құра білдік», - деді Елбасы.

Н. Назарбаев атап өткендей, Қазақстанда ұлты украин шамамен 300 қазақстандық өмір сүреді.

«Егер тың игеру жылдарын еске алатын болсақ, онда олардың саны милионға жуық шамада болды. Кейін бірқатары Украинаға қайтып оралса, кейбіреулері қалып қойды, бүгінде олар біздің халқымыздың ажырамыс бөлігі», - деді Елбасы. 

Мемлекет басшысы түсіндіріп кеткендей, Қазақстан мен Украина барлық мәселелерді өзара түсіністік аясында шешеді. «Киевке жасаған сапарым есімде. Ол жақта әр уақытта да қонақжайлылықты сезінемін. Сондықтан да біздер Петр Алексеевичпен жеке кездесуіміз барысында саяси және экономикалық ынтымақтастығымыздың барлық мәселелерін талқыладық. Көптеген мәселелерде біздер өзара түсіністікке келдік. Мемлекетаралық комиссия отырысы өтті, алдағы уақытта да өте береді, онда бүгінгі күні көтерілген барлық мәселелер жан жақты талқыланатын болады», - деді Қазақстан Президенті.

Сонымен қатар, Н.Назарбаев бүгінгі бизнес форум Қазақстан мен Уркаинаның іскерлік орталарының арасындағы ынтымақтастыққа, қарым-қатынасты ілгерілетуге өз үлесін қосатынына сенім білдірді. 

«Тағы да қош келдіңіздер деймін және осы сапарыңыз үшін алғыс айтамын, ол өзара қарым-қатынасымызды одан ары нығайтуға сетігін тигізетініне сенімдімін. Көптеген қиындықтарға қарамастан бүгінде біз өзара түсіністікке қол жеткізіп отырмыз», - деп түйді Н. Назарбаев.

Естеріңізге сала кетейік, Астанаға елімізге алғашқы мемлекеттік сапармен Украина Президенті Петр Порошенко келді.

Индира Кауметова