• Басты
  • Мемлекеттік хатшы Ұлттық мұрағат пен министрліктерге мұрағат ісінің кадрларын дайындауға назар аударуды тапсырды

Мемлекеттік хатшы Ұлттық мұрағат пен министрліктерге мұрағат ісінің кадрларын дайындауға назар аударуды тапсырды

9 Қазан, 2015 13:09
ҚР Ұлттық мұрағаты мен Мәдениет және спорт министрлігі, Білім және ғылым министрлігімен бірлесіп кадр дайындау мәселесін ойластыру қажет, деді Мемлекеттік хатшы Гүлшара Әбдіхалықова «Қазақ хандығына 550 жыл» құжаттық көрмесі аясында.

«Мемлекеттік және ведомстволық мұрағаттарда білікті мамандардың жетіспеушілігі байқалады. Республикалық мұрағаттардың 66 пайызы ғана мамандандырылған қызметкерлерге ие», - деді Мемхатшы.

Ол атап өткендей, шетелде музей мен мұрағат ісіне үлкен жауапкершілікпен қарап, нақты мамандар дайындайтынын атап өтті.

Осы орайда Г.Әбдіхалықова «бізде  «Болашақ» бағдарламасы бойынша маман дайындау мүмкіндігі бар» деді.

«Ұлттық мұрағат пен Мәдениет және спорт министрлігі, Білім және ғылым министрлігімен бірлесіп кадр дайындау мәселесін ұйымдастырады деп ойлаймын», - деді ол.

Ботагөз Айтжанова

Барлық жаңалықтар