Г.Зубко: Қазақстан мен Украина арасындағы тауар айналым 5 млрд долларға жетті

«Бүгін шынымен де өте маңызды күн – Украина Президенті Петр Порошенконың  Қазақстан келуі мен экономикалық форум, шара сапар аясында ғана емес, Қазақстан дамуының 2050 стратегиясы мен Украинаның 2020 стратегиясы аясындағы экономикалық, іскерлік, мәдени қарым-қатынастың қайта басталуына арналып отыр», - деді Г.Зубко.

Украинаның вице-премьері атап өткендей, қазіргі таңда әрібір пункт бойынша өтіп, біздің елдерге өзара тауар айналым арқылы 5 млрд доллар әкелген механизмдерді қайта қарау қажет.

 «Осы орайда біздің өзара қарым-қатынастардың жаңа көкжиектерін табуымыз аса маңызды. Атап айтқанда, бүгін Астанаға Украина Үкіметі кеңейтілген құрамда келіп отыр.Украина тарапы Қазақстанмен арада көліктік байланыстарды тиісті деңгейде құру арқылы екі ел арасындағы тауар айналымды арттыруға ниетті екенін жеткізді. 
Бүгінде Қазақстан-Украина іскерлік кеңесін құру туралы мақсаты алдымызда тұр. Бұл кеңес бизнесті жүргізуге қатысты нақты мәселелерді шешуге көмектесуі тиіс. Бүгінгі бизнес-форум арқылы Украина жағы екі ел арасындағы экономикалық, іскерлік, мәдени қатынастарға тың серпін беруді көздеп отыр», - деді ол.

Айта кетейік, Астанада Қазақстан-Украина бизнес форумы өтуде.

Анар Тәңірқұлова