«Қазақстан аруы - 2015» байқауының fashion-продюсері «Қазақстанда жасалынған» авторлық жобасын ұсынады

9 Қазан, 2015 12:24

«Қазақстан аруы - 2015» ұлттық байқауының қатысушылары ақтық мәреге дайындалу үшін 20 қарашада Астанада жиналады. Байқаудың fashion-продюсері Сәкен Жақсыбаев байқауға дайындалу барысында әділ-қазы алқасының назарына Қазақстанда жасалынған» авторлық жобасын ұсынады. Бұл туралы ол ОКҚ-да өткен баспасөз конференциясында хабарлады.

«Ағымдағы жылы мен «Қазақстан аруы - 2015» ұлттық байқауы аясында «Қазақстанда жасалынған» авторлық жобамды ұсынамын. Ол Елбасы Н.Назарбаевтың идеясын қолдауға бағытталған. Сондай-ақ байқау барысында жұмыс істеген фотографтар Андрей Лунин, Владимир Бабкин, Вадим Соловьевтың жұмыстарынан фотокөрме өтеді», - деді С. Жақсыбаев.

«Бізде еліміз мақтан тұтатын өте жақсы қазақстандық дизайнерлер, фотографтар, стилистер, имиджмейкерлер бар. Сондықтанда «Қазақстан аруы» байқауы аясында біз қазақстандық дизайнерлер жұмыстарының бірегей көрмесін өткіземіз, оны сіздер ақтық мәре барысында байқау алаңында тамашалай аласыздар. Онда аты әлемге танымал дизайнерлердің туындыларымен бәсекеге түсе алатын жұмыстар қойылады», - деді байқаудың fashion-продюсері.

Оның айтуынша, Қазақстанның fashion-индустриясында жұмыс істейтін танымал стилистер, имиджмейкерлермен кездесулер өткізу жоспарлануда.

«Ең қызықтысы дайындық аясында біз бірқатар шаралар ұйымдастыратын боламыз, онда біздің қыздарымыз отандық дизайнерлердің туындыларын көрсететін болады», - деп толықтырды ол.

Айта өтейік, бұл байқаудың ерекшелігі ол «Мейірімділік шуағы» ұранымен өтуде.

Барлық жаңалықтар