Қазақстан мен Украина арасында тауар айналымын арттыру бойынша 2015-2016 жылға арналған жоспар әзірленді

«Қазақстан мен Украинаның қарым-қатынасы  бауырлас тұрғыда дамыған. Бұл Қазақстандағы украиндық диаспораның  санымен белгіленеді, қазір олардың саны 300 мың адамнан артық. Бүгінгі форум Қазақстан үшін ерекше болып саналады, себебі біз Украинаның іскерлік ортасын жоғары бағалаймыз.  Бизнес форумға ел Президенттері Нұрсұлтан Назарбаев пен Петр Порошенконың қатысуы Қазақстан мен Украина раасында тығыз экономикалық байланыс орнату қажеттігін айқындайды», - деді Б.Сағынтаев.

Бірінші вице-премтер атап өткендей, тауар айналымы мен инвестициялық белсенділіктің төмендеуіне қарамастан, қазақ-украин қарым-қатынасының әлеуеті өте жоғары. Екі елдің министрліктері тауар айналымын ұлғайту бойынша 2015-2016 жылдарға арналған жоспар дайындады.

«Біз саяси және экономикалық жағдайларға қарамастан ынтымақтастықты дамытуға бағытталған ниетімізді жоғары бағалаймыз. Өзара сауда динамикасын арттыру үшін 2015-2016 жылдарға арналған тауар айналымын жоғарылату жоспары әзірленді», - деді ол.

Айта кетейік, аталмыш жоспар көрме, жәрмеңке,  сауда делегацияларының ауысымына қолдау көрсету, бизнес-серіктестерді іздеуді және Қазақстан мен Украина  арасында іскерлік кеңес өткізу мәселелерін қарастырады.

Анар Тәңірқұлова