Астанада Қазақстан-Британ стратегиялық сұхбатының екінші отырысы өтті
8 Қазан, 2015 19:21
Астанада Қазақстан-Британ стратегиялық сұхбатының екінші отырысы өтті. Қазақстан делегациясын ҚР Сыртқы істер министрінің орынбасары Алексей Волков, ал британ делегациясын Ұлыбритания Сыртқы істер министрлігінің парламенттік орынбасары Тобайас Элвуд басқарды.
ҚР СІМ хабарлағандай, консультациялар барысында екі елдің сыртқы саяси ведомстволары қазақстан-британ ынтымақтастығының қазіргі жағдайы мен келешегін, сондай-ақ, халықаралық күн тәртібінің өзекті мәселелерін талқылады.
Стратегиялық сұхбат Ұлыбритания Премьер-министрі Дэвид Кэмеронның 2013 жылдағы мемлекеттік сапары барысында ең жоғарғы деңгейдегі жеткізілген уағдаластықтарға сәйкес жыл сайынғы негізде өткізіледі және Астана мен Лондон арасындағы қарым-қатынастарды нығайтудағы маңызды тетігі болып табылады.
