• Басты
  • Мемлекет басшысы Н. Назарбаев ҚР-ның көлік инфрақұрылымының жүзеге асуымен танысты
30 Қазан, 2013 17:52

Мемлекет басшысы Н. Назарбаев ҚР-ның көлік инфрақұрылымының жүзеге асуымен танысты

Бүгін, 30 қазан Мемлекет басшысы Нұрсұлтан Назарбаев Көлік және коммуникация министрі Асқар Жұмағалиевті қабылдады, деп Ақорданың баспасөз қызметі хабарлады.
Мемлекет басшысы Н. Назарбаев   ҚР-ның көлік инфрақұрылымының жүзеге асуымен танысты

«Кездесу барысында А.Жұмағалиев Мемлекет басшысына Үкіметтің кеңейтілген отырысында берілген тапсырмаларды іске асыру барысы, сондай-ақ көлік инфрақұрылымдарын дамыту жөніндегі мемлекеттік бағдарламаның әзірленуі туралы баяндады», - деп хабарламада нақтыланған.

Нұрсұлтан Назарбаев жалпы, еліміздің дамуы мен азаматтарымыз үшін қажетті барлық көлік инфрақұрылымдарын жетілдіру мақсатында бағдарламаны әзірлеу кезінде кешенді көзқарастардың қажеттігіне назар аударды.

А.Жұмағалиев жалпы қолданыстағы автомобиль жолдарының жай-күйі мен оларға жөндеу жұмыстарын жүргізу жоспарлары, «Батыс Еуропа – Батыс Қытай» автомагистралінің құрылыс барысы, Орталық – Оңтүстік, Орталық – Батыс және Орталық – Шығыс бағыттары бойынша автожолдарды дамыту жайында әңгімелеп берді.

Әзірленіп жатқан бағдарламаға сәйкес, 2020 жылға дейін 30 мың шақырым автожолдарға жөндеу жұмыстарын жүргізу, 260 сервис нысанын, қалаларда 10 автовокзал, аудан орталықтарында 50 автостанса және ауылдарда жолаушыларға қызмет көрсететін 216 қосын салу, сондай-ақ барлық теміржол вокзалдарына күрделі жөндеу жұмыстарын жүргізіп, әуежайларды қайта жөндеуден өткізу жоспарлануда.

Кездесу қорытындысында Мемлекет басшысы көлік логистикасының тиімділігін одан әрі арттыру және көлік инфрақұрылымдарын жақсарту жөнінде шаралар қабылдауды тапсырды, сондай-ақ қаралған өзге де мәселелер бойынша бірқатар нақты тапсырмалар берді.

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды