Қазақстан әлемдегі қиын геосаяси жағдайға қарсы иммунитет қалыптастыру керек - сарапшы (ВИДЕО)

«Аталмыш жыл жаңалықтарға, мерейтойлық даталарға бай. Осындай тарихи оқиғаларды қорыта келе біз нәтиже шығаруымыз керек. Біз әлемдегі геосаяси жағдай қаншалықты қиын екенін көріп отырмыз. Бізде жалғыз міндет  жағдайлардан сабақ ала отырып иммунитет қалыптастыру. Біз ата бабаларымыздан үлгі алуымыз керек, олар тағдыр тәлкегіне қанша ұшырасада бізге осы атаулы датаны мирас етіп қалдыра білді. Біз белең алып бара жатқан бүліну үрдісіне қарсы иммунитет қалыптастыруымыз керек»,  - деді Г.Кан.

Бүгін БҰҰ Бас Ассамблеясы 70-ші мерейтойлық сессиясының жалпы пікірталасында сөз сөйлеген Елбасы Нұрсұлтан Назарбаев «қазақстан халықаралық қатынастағы сенімді қалпына келтіру үшін барлық бастамаларды және бейбітшілік пен халықаралық құқық негізінде қауіпсіздікті нығайтуды қолдайды», деді.

«ХXI ғасырда адамзаттың ең басты міндеті әлемді соғыс қатерінен мүлде арылтатын және оның себептерін жоятын стратегияны жүзеге асыру. Сол үшін Біріккен Ұлттар Ұйымының жүз жылдығына Жаһандық Стратегиялық Бастама - 2045 жоспарын әзірлеуді ұсынамын. Оның мәні - барлық ұлттардың әлемдік инфрақұрылымға, ресурстарға және нарықтарға қол жеткізуінің әділ шарттары негізінде әлемдік дамудың жаңа трендін қалыптастыру, сондай-ақ адамзаттың дамуы үшін жалпыға ортақ жауапкершілікті орнықтыру», - деді Н.Назарбаев БҰҰ Бас Ассамблеясының алаңында.

Ботагөз Айтжанова