Павлодар облысы мен Италияның тауар айналымы 2014 жылы 37,1 млн теңгені құрады-әкімдік
«Біз Еуропаның көшбасшы елдерімен ынтымақтастықты дамыту және нығайту ісін белсенді түрде қолдаймыз. Италия тарапымен өзара ынтымақтастық жөніндегі ұсыныстарды талқылауға әзірміз. Инвесторлар облысымыздың интеграциялық әлеуетіне оң баға беріп отыр. Соңғы үш жылда негізгі капиталға құйылған инвестиция көлемі үштен бірге арттты және өткен жылы шамамен 2,0 млрд. долларды құрады, оның ішінде шетелдік инвестициялар - 470,0 млн. доллар немесе инвестицияның жалпы көлемінің төрттен бір бөлігі»,-деп атап өтті аймақ басшысы.
Қанат Бозымбаев сондай-ақ облыста инвесторлар үшін тиімді жағдай жасалғанын атап айтты. Мысалға, қазір арнайы экономикалық аймақ инфрақұрылымы құрылысының 1-кезегі аяқталуға жақын. Экономикалық аймақтың негізгі бағыттары – химия және мұнай-химия салаларын дамыту. Болашақта арнайы экономикалық аймақ аумағында жоғары шекті металлургиялық өнім өндірілуі мүмкін. Республика Парламентінде тиісті заң жобасы қаралу үстінде.
Алюминийден жасалған дайын бұйымдар, теміржол машина жасау өнімі, өндірістік және тұрмыстық пайдалануға арналған химиялық өнім жаңа аймақтық, оның ішінде экспорттық брендке айналулары әбден мүмкін.
Аймағымыз сондай-ақ табиғи қорларға аса бай. Мысалға, облыс аумағындағы ащы-тұзды су қоймаларында «артемия салина» атты бірегей биологиялық микроағзалар көптеп тіршілік етеді. Бұл биоқор бойындағы көп мөлшердегі ақуыздың арқасында пайдалы қасиетке ие. Ол балық аулауда, құстар мен үй жануарларына жем-шөп әзірлеуде, медицинада, биопрепараттар жасауда кеңінен қолданылады. Оны өңдеу ісі инвесторлар үшін тартымды ұсыныс және Павлодар аймағының экспорттық бағыттарының бірі болуы мүмкін.
Италия елшісі Стефано Раваньян өз кезегінде Павлодар облысында италиялық компаниялардың бірлескен жобаларын дамытуға ниет білдіріп, болашақ жоспарлармен және әлеуетті жобалар жөніндегі барлық ақпаратпен бөлісуге шақырды. Елші сондай-ақ әкімнен өз өнімін шетелге жіберуге мүдделі облыстың экспортқа бағытталған нысандарының нақты тізбесін беруді өтінді.
Еуропа елдері бойынша Италия облысымыздың басты сауда серіктесі болып табылады. Павлодар облысының 2014 жылы Италиямен жасасқан сауда көлемі 37,1 млн. долларды құрады. Сауданың экспорт жағы басымырақ болды (29,5 млн. доллар). Павлодар облысынан Италияға мазут жөнелтіледі, ал Италия өз кезегінде облысымызға құрал-жабдық, бейнеаппаратура жеткізеді.
