Сенат ҮЕҰ-ның дамуына оң әсер ететін заң жобасын қабылдады
8 Қазан, 2015 14:06
ҚР Парламенті Сенатының пленарлы отырысының бірінші оқылымында «Үкіметтік емес ұйымдардың мәселелері бойынша Қазақстан Республикасының кейбір заңнамалық актілеріне өзгертулер мен толықтырулар енгізу туралы» заңжобасын қабылдады.
Заң жоба үкіметтік емес секторды мемлекеттік қолдаудың құқықтық тетіктерін реттеуге бағытталған.
«Заңжобасының қосымшасында Үкіметтік емес ұйымдарға гранттар мен сыйлықақылар, ҮЕҰ-ны гранттық қаржыландыру саласындағы оператор, ҮЕҰ деректер базасы ұғымдарын енгізу көзделген. . Заң жобасы гранттық қаржыландыру саласындағы оператордың құқықтық мәртебесін айқындайды. ҮЕҰ-ге арналған сыйлықақыға ұсыну және беру, сондай-ақ ҮЕҰ деректер базасын құру және жүргізу ережесін бекіту жөніндегі уәкілетті органның құзыреті нақтыланған. Ұсыныстық сипатта шешім шығаратын, ҮЕҰ-мен өзара іс-қимыл жөніндегі Үйлестіру кеңесін құру көзделіп отыр», - деді ҚР мәдениет және спорт вице-министрі Марат Әзіоханов заңжобасын тарыстыру барысында.
Анар Тәңірқұлова
