Сенат ғылыми қызмет нәтижелерін коммерцияландыратын заң жобасын қарауда

8 Қазан, 2015 12:01

Бүгін Парламент Сенатының жалпы отырысында «Ғылыми және (немесе) ғылыми-техникалық қызмет нәтижелерін коммерцияландыру туралы» ҚР Заңы қабылданды. Сондай-ақ, «Ғылыми және (немесе) ғылыми-техникалық қызмет нәтижелерін коммерцияландыру туралы бірқатар заңнамалық актілерге өзгерістер енгізу туралы» заң жобасына енген өзгертурелрді қабылдады.

Білім және ғылым министрі атап өткендей, бұл орайда заң арқылы ғылыми және ғылыми-техникалық қызмет нәтижелерін коммерцияландыруды ынталандырудың мемлекеттік шаралары қамтылып отыр. Атап айтқанда, бизнестің қосалқы қаржыландыруын қоса алғанда, бюджет қаражатынан коммерцияландыру жобаларының гранттық қаржыландырылуы көзделеді.

«Заң жобасы арқасында бизнеске отандық технологиялар мен зерттемелерді ынталандыру шаралары қамтылып отыр. Жоғары оқу орындары мен ғылыми-зерттеу институттарының инновациялық инфрақұрылымының аса маңызды буын ретіндегі рөлін күшейтуге баса назар аударылып отыр», - дейді Білім және ғылым министрі Аслан Сәрінжіпов.

Сонымен қатар өндіріске инновацияларды енгізу бойынша жұмыстарды қаржыландыру тетіктері қамтылады. Ғылыми гранттар мен бағдарламалардың құрылымын индустриялық-инновациялық даму бағдарламасының қажеттіліктеріне қайта бағдарлау қарастырылады.

Заң жобасы екінші оқылымда қарастырылады.

Анар Тәңірқұлова

Барлық жаңалықтар