ҚР-да жыл соңына дейін Орталық-Шығыс дәлізінің тағы 102 км пайдалануға беріледі - ҚазАвтоЖол

Бүгінде құрылыс-монтаж жұмыстарымен ұзындығы 443 км Астана-Павлодар уческесі толығымен қамтылды. Ол 15 учаскелерге бөлінген, оның ішінде «Павлодар қаласын батыстық айналма жолы», «Ертіс өзені арқылы көпірмен өту» және Павлодар - Семей (66 км).

2015 жылға дейін 118 км жол пайдалануға берілген, енді ағымдағы жылдың соңына дейін тағы 102 км іске қосу көзделіп отыр. Жалпы, аталмыш жобаны 2019 жылдың соңына дейін аяқтау жоспарланған. 

Айта өтейік, автомобиль жолын қайта қалпына келтіру аймақтың тасымал әлеуетін арттыруға мүмкіндік береді, жүк және халық тұтынатын тауарлар тасымалын жылдамдатады, сонымен қатар жол бойындағы апатты оқиғалар санын қысқартады.

Дәліз бойындағы жұмыстар аяқталғаннан  кейін Астана - Щучинск жолындағы ақылы жүйені мұнда да енгізу жоспарлануда.

Ұлт жоспары  «100 нақты қадамның» 58 қадамын жүзеге асыру мақсатында «ҚазАвтоЖол» компаниясына ақылы автомобиль жолдарының және жол бойындағы қызмет көрсету саласын дамыту үшін инвесторларды тарту міндеттелген.

Бұған қоса, ақылы жолдарды енгізу мәселелері талқыланды. Ұлан Әліпов айтып өткендей, 2020 жылға дейін 7 000 км республикалық маңыздағы автомобильдік жолдарға ақылы жүйе енгізіледі. Тек қайта қалпына келтірілген және күрделі жөндеуден өткен жол бөлімшелері ғана ақылы болады. 2016 жылы Астана-Атбасар және Қызылорда-Шымкент автокөлік жолдарына барлық көлік түрлеріне ақылы жүйе енгізіледі. Ал жеңіл автокөліктерге 3,6 және 12 айға абоненттік төлем қарастырылады.

Брифингте жол жиегіндегі қызмет көрсету сервистері мәселесіне де тоқталып өтті. Ұлттық оператор республикалық автокөлік жолдарын басқару бойынша Қазақстан Республикасының республикалық маңыздағы автожол жиектеріндегі сервистерді дамыту бағдарламасының 2020 жылға дейінгі жобасын жасап, қазірде барлық мүдделі мемлекеттік мекемелердің келісімі күтілуде. Бағдарламаға сай, 200 сервистік нысан салынып, 2000 жаңа жұмыс орны ашылмақ.