Астана - Өскемен бағытындағы 200 км жолды 2015 жылдың соңына дейін ашу жоспарланған

8 Қазан, 2015 12:14

«Нұрлы жол» бағдарламасы аясында 2015 жылдың соңына дейін Астана - Өскемен бағытындағы 200 км жолды ашу жоспарланған. Бұл туралы «Strategy2050.kz»АА-ға «ҚазАвтоЖол»ҰК»АҚ-дан хабарлады.

«Астана - Өскемен жобасы жүзеге асырылғалы 3 учаскедегі жол ашылды, олардың жалпы ұзындығы 118 км құрады. Жұмыстар 509 км жалғастырылуда, олар: Астана - Павлодар учаскесі (443 км) және Павлодар -Семей (66 км)», - делінген хабарламада.

Компаниядан атап өткендей, 2015 жылдың соңына дейін 194 км-дағы жолды пайдалануға беру көзделген, оның ішінде 102 км (Астана - Павлодар - 49 км және Павлодар - Семей - 53 км) іске қосылып қойған.

Сонымен қатар, Павлодар - Қалабатау - Өскемен учаскесінің жобалық-сметалық құжатнамасы жасақталуда.

«182 км бойынша ЖСҚ дайын, өзге учаскелер (209 км) бойынша жұмыстар 2015 жылдың соңына дейін аяқталатын болады. Құрылыс жұмыстарын аталмыш учаскелер бойынша 2016 жылы бастап 2019 жылы аяқтау жоспарланған», - деп компаниядан хабарлады.

Индира Кауметова

Барлық жаңалықтар