«Жасыл өнімге-жасыл жол» акциясы аясында ОҚО-дан өңірлерге 10 тоннаға жуық жеміс-жидек өнімі жеткізілді - ИДМ
8 Қазан, 2015 11:04
ҚР ИДМ Көлік комитетінің «Жасыл өнімге - жасыл жол» акциясы аясында Оңтүстік Қазақстан облысынан 26 автокеруен ұйымдастырылды, деп хабарлады ведомствоның баспасөз қызметі.
Қазақстандағы көлік жоладары арқылы дүкен сөрелеріне қосымша тексерусіз 9 мың 257 тонна жеміс жидек жеткізілді.
Естеріңізге сала кетейік, алғашқы автокеруен ҚР ИДМ Көлік комитеті, ОҚО облыс әкімдігі, Сарыағаш, Шардара, Мақтарал ауданы әкімдігі өкілдерінің қатысуымен Сарыағаш қаласынан 2015 жылдың 2 шілдесінде ұйымдастырылды.
ҚР ИДМ мамандарының айтуынша акцияның мақсаты сапалы жеміс-жидектерді сауда орындарына автокөлік жолдары арқылы еш кедергісіз, қосымша тексерусіз жедел жеткізуді қамтамасыз ету. Акция жыл сайын дәстүрлі түрде өткізіліп тұрады.
