ҚР Қарулы Күштері офицерлерінің 97 пайызы қайта емтихан тапсырудан сәтті өтті (ФОТО)

8 Қазан, 2015 09:12

ҚР ҚК ҚӘ «Астана» өңірлік қолбасшылығының әскерлерінде офицерлер құрамының аттестатталуы аяқталды. Шамамен аттестатталушының 97 %-ы қайта емтихан тапсырудан сәтті өтті және атқарып отырған лауазымдарына сәйкес келуін растады, деп хабарлады Қорғаныс министрлігінің баспасөз қызметі.

Қолбасшылықта атап өткендей, аттестаттаудан сәтті өткен офицерлер жоғары әскери лауазымдарға ілгерілету, сондай-ақ 2015-2017 жылдары әскери жоғары орындарына оқуға жолдану үшін резервке енгізілді. Жақында ғана «Шығыс» өңірлік қолбасшылығының бөлімдерінде де аттестаттау аяқталды.

Емтихан тексерісіне 1 670 офицер тартылды. Нәтижесінде 40%-ы өздерінің білімін, әскери дағдысын растады және жоғары лауазымдарға резервке енгізілуге ұсынылды. Қалған 60%-ы кіші буын командирлері ретінде өздерінің біліктіліктерін растап, барлық сынақтар мен емтихандарды сәтті тапсырды.

Қазақстанның Қарулы Күштеріндегі аттестаттау міндетті түрде үш жылда бір рет өткізіледі. Оның негізгі міндеті – әрбір сардардың кәсіби, іскери және жеке қасиеттерін, әлеуетті мүмкіндіктерін айқындау болып табылады. Аттестаттау әскери қызметшілердің атқарып отырған лауазымдарына сәйкес келуін, олардың әрі қарайғы әскери қызметінің болашағы мен мансаптық өсуін, даярлауды (қайта даярлауды), оқытуды жетілдіру қажеттілігін анықтайды.

Барлық жаңалықтар