С.Бычкова ШЫҰ мүше-мемлекеттердің судьяларымен кездесті
7 Қазан, 2015 18:46
Бүгін, Парламентте Мәжіліс депутаты, Заңнама және сот-құқықтық реформа комитетінің хатшысы Светлана Бычкова Шанхай Ынтымақтастық Ұйымына мүше-мемлекеттердің соттарымен кездесті, деп хабарлады Мәжіліс.
Кездесуге Қырғызстан мен Тәжікстаннан да меймандар қатысты. Басқосушылар ювиналдық сот мәселесін талқылады. Онда Светлана Бычкова қазір қазақстандық парламентшілер балалар құқығына қатысты заң жобасын әзірлеп жатқанынан хабардар етті.
Оған ЮНИСЕФ тарапынан болған ұсыныстарды қабылдап, мақсат Қазақстанда жетім балалар үйін болдырмау. Жүздесуде тағдыр талқысына түскен жасөспірімдер, екіжақты келісімге тоқтау, үкіметтік емес ұйымдардың рөлі, интернаттық ұйымдар, қиын балалар тағдырына бақылау т.б. мәселелер қозғалды.
Кездесуге қатысушылар аталған мәселелердің өзектілігі заңнаманы жетілдіру қажеттігін туғызып, тәжірибе алмасу, соның ішінде ШЫҰ бойынша қызметтік байланысты қажетсінетінін атап өтті.
