• Главная
  • Сарапшылар Қазақстанда орта санатты дамыту мәселелерін талқылады
7 октября, 2015 17:48

Сарапшылар Қазақстанда орта санатты дамыту мәселелерін талқылады

Астанада «Қазақстандағы орта тап ұлттық жаңғырту күші» тақырыбында сарапшылар клубы өтті. Отырыстың мақсаты Қазақстандағы орта санатты дамыту үшін сарапшылық көзқарас қалыптастыру және ұсыныс жасау.
Сарапшылар Қазақстанда орта санатты дамыту мәселелерін талқылады

«Бүгінгі таңда орта санаттың анықтамасы жоқ. Тәуелсіздік жылдары бойы біз орта тап – тұрақтылықтың белгісі, орта санат неғұрлым көп болуы тиіс деп айтып жатамыз. Президент жақында біздің халықтың минимум тең жартысы орта санат болуы тиіс деп айтқан болатын. Орта тап – жоғары табысты, көлігі бар, үйі бар адам», - деді «Қазақстан-2050»  жалпыхалықтық қозғалысының төрағасы Данат Жумин.

Оның айтуынша, орта санаттың анықтамасы әлем мен Қазақстанда екі бөлек. Қазақстанда орта санат деп қажеттілігі жоқ адамдарды айтады. Әлемде бұл тап тұрақталған болып есептеледі.

«Бізде орта тап өкілдері сонша көп емес. Статистикаға сүйенер болса, 20-25 пайызды құрап отыр. Бұл қазіргі жағдай «лемдік экономика өзгерген жағдайда не болмақ?», - деді ол.

Айта кетейік, сарапшылар отырысын құруды «Қазақстан-2050» жалпыұлттық қозғалысы ҚР МСМ және «Самұрық-Қазына» ҰӘҚ» АҚ қолдауымен жүзеге асырды.

Индира Кауметова