ОҚО-да тоқыма өнеркәсібіне арналған тауарлар мен жабдықтардың халықаралық көрмесі өтеді
8 Қазан, 2015 08:37
Шымкентте ағымдағы жылдың 8-9 қазан күндері «Көрме орталығында» «Тоқыма өнеркәсібіне арналған тауарлар мен жабдықтар» - MACHTEX 2015 бірінші Қазақстандық Халықаралық көрмесі мен Форумы өтеді, деп хабарлады ОҚО әкімдігі.
Аталмыш көрмеде Қазақстанның, Кореяның, Польшаның, Ресейдің, Түркияның және Украинаның кәсіпорындары көрсетіліп, отандық және шетелдік өндірушілер еліміздегі өнеркәсіптің қажеттілігіне арналған жабдықтарды, өнімдерді және қызметтерді ұсынады.
«Форумда жақын арадағы бес жылдықта Қазақстанның жеңіл өнеркәсібінің кәсіпорындарына арналған инвестициялық мүмкіндіктерді, шетелдерге дайын өнімді экспорттауды талқылауға мүмкіндік береді», - делінген хабарламада.
Айта өтейік, алқалы басқосуда жеңіл өнеркәсіптің кооперациясы мен бүгінгі таңдағы басқа да өзекті мәселелер қаралатын болады.
