Ірі фин компаниялары ЭКСПО-2017 қызығушылық танытуда
7 Қазан, 2015 18:56
Ірі жоғарытехнологиялық фин компаниялары «Астана ЭКСПО-2017» ұлттық компаниясымен серіктес болуға қызығушылық танытуда. Бұл жөнінде Финляндия Республикасының Сыртқы сауда және даму министрі Ленита Тойвакка «Астана ЭКСПО-2017» ҰК» АҚ Басқарма Төрағасы Ахметжан Есімовпен кездесу барысында хабарлады.
Ұлттық компания хабарлағандай, кездесу барысында Ахметжан Есімов жоба жайлы, көрме кешенінің құрылысы жөнінде және халықаралық көрменің мән-мақсаты туралы айтып берді. Сондай-ақ, ол бүгінгі таңда 48 мемлекет пен 10 халықаралық ұйымның ЭКСПО-2017 қатысатындығын, әрі көрменің әлемдік деңгейде ерекше қызығушылық тудырып отырғандығын жеткізді.
«Астана ЭКСПО-2017» халықаралық мамандандырылған көрмесіне қатысу туралы биылдың соңы немесе келесі жылдың басында мемлекетіміз ресми түрде растайтын болады», - деді министр Л.Тойвакка.
Кездесу соңында қонақтарға Халықаралық ЭКСПО-2017 көрмесінің жобасы таныстырылды.
