А.Терентьев: ҚР банктеріне теңгелей депозиттерді қайта рәсімдеу үшін салымшылардан 230 мың өтініш келіп түсті
7 Қазан, 2015 16:02
2015 жылдың бірінші қазанындағы жағдай бойынша депозиттерді қайта рәсімдеу үшін салымшылардан 230 мың өтініш келіп түскен, деп хабарлады ҚР Ұлттық банктің департамент директоры Александар Терентьев ОКҚ-дағы баспасөз конференциясында.
«Өтемақы алу үшін мерзімді депозитті арнайы банк есепшотына аударғаннан кейін бір жыл бойы сақтау негізгі шарт болып табылады. Ұлттық банк жалпы сомасы 250 млрд теңге болатын 1 млн 700 мың депозит бойынша өтемақы төлеуді жоспарлап отыр», - деді А.Терентьев.
Оның айтуынша, 2015 жылдың бірінші қазанындағы жағдай бойынша депозиттерді қайта рәсімдеу үшін салымшылардан 230 мың өтініш келіп түскен.
Айта өтейік, депозиттерді қайта рәсімдеу бойынша өтініштерді қабылдау мерзімі 1 қазаннан 1 желтоқсанға дейін ұзартылды.
Ботагөз Айтжанова
