АШМ: Қажетті емес субсидиялардың қысқаруы АӨК бәсекелестігін арттырады

"Біз халықаралық тəжірибені зерттеп, ішкі жағдайды сараптап, келесі жағдайды көріп отырмыз: қазіргі жағдайда мемлекет тарапынан берілетін қолдау тетіктері мен олардың көлемі, олардың саны ұлғайып келе жатыр", - деді Ауыл шаруашылығы министрі А.Мамытбеков..

Министр атап өткендей, ОҚО-да фермерлердің 95 пайызында 10 га жерден бар, олар мақта өсіреді. Олар техниканы қолдана алмайды, себебі оларда алғашқы төлем мен кепілдікке қойылатын мүлік жоқ. Олардың көп бөлігі мақта жинауды қолмен жүзеге асырады.

Ол бүгінде АӨК-нің экономикалық тартымды сала айналғанын айтып өтті. Аграрлық сектордағы негізгі капиталға инвестициялар өсімінің қарқыны экономиканың басқа салаларынан басым түсті.

А.Мамытбековтың пікірінше, арзан техника лизингінің болмауынан фермерлер гектарлық субсидиялар арқылы тапқандарына қарағанда көп шығынға ұшырайды. Мысалға, бидай жинауды кешіктірудің әр 10 күні астықтың 10% шығынына алып келеді. 

«Сондықтан, өсімдік шаруашылығындағы гектарлық субсидияларды 2016 жылдан бастап қысқартып, оларды техника алуға пайыздық мөлшерлеме мен лизингті субсидиялауға, инвестициялық субсидияларға бағыттау ұсынылады. Біз шығындардың 30% жуығын қаржыландыра аламыз», - деп баса айтты министр.

Ботагөз Айтжанова