• Басты
  • ЭКСПО-2017: Жыл соңына дейін көрмеге қатысуын 18 ел растауы мүмкін
7 Қазан, 2015 12:24

ЭКСПО-2017: Жыл соңына дейін көрмеге қатысуын 18 ел растауы мүмкін

Жыл соңына дейін көрме қатысуыларын 18 ел растауы мүмкін. Бұл туралы бүгін Орталық коммуникацилар қызметінде өткен баспасөз мәслихатында халықаралық көрмелер бюросының бас хатшысы Висенте Лоссерталес мәлім етті.
ЭКСПО-2017: Жыл соңына дейін көрмеге  қатысуын 18 ел растауы мүмкін

«Бүгінгі күні ЭКСПО-2017 көрмесіне 48 мемлекет қатысатынын ресми түрде растады. Тағы 10 мемлекет көп ұзамай растамақшы. Жыл соңына дейін тағы 18 мемлекет қосылуы ықтимал. Көрмеге мемлекеттерді тарту бойынша біздің ұйымға ұсынылған кесте орындалып отыр. Көптеген маңызды мемлекеттер ЭКСПО-2017 көрмесіне қатысуға ниетті. Жетекші және дамушы мемлекеттерді тарту бойынша жақсы көрсеткіштерге қол жеткізілген. Келесі жылдың маусым айына дейін көрмеге қатысатын елдердің санын 100-ге жеткізу көзделген», - деді В.Лоссерталес. 

Оның сөзінше, ЭКСПО-2017 көрмесін ілгерілету бойынша ақпараттық жұмысты қарқынды жүргізу қажет. 

«Желтоқсан айында Қазақстан Президенті Парижде өтетін климат мәселелеріне арналған саммитке қатысады, бұл ЭКСПО көрмесін ілгерілетуге үлкен мүмкіндік деп ойлаймын», - деп толықтырды ол.

«ЭКСПО коммуникациялық насихаттау жұмыстарын жүргізуді жалғастыру қажет. ЭКСПО коммуникациялау – ұлттық және халықаралық деңгейде ақпараттық кампанияны біріктіру. Азаматтар ЭКСПО көрмесі тек Қазақстанды таныстыру ғана емес, әсем табиғатының қырларын көрсетіп, Қазақстан имиджін қалыптастыру, елдіә танымал етудің жолы екенін білу қажет», - деді ол.

«Мен біздің барлық мақсаттық көрсеткіштерге жететінімізге және ЭКСПО-ның орасан зор табыс болатынына сенімдімін. Бұл пікірімді мен Халықаралық көрмелер бюросының 168 мүше мемлекеттеріне жеткіземін», - деп сендірді Лоссерталес.

Сонымен қатар, Сыртқы істер министрінің бірінші орынбасары – көрме Комиссары Рәпіл Жошыбаев ЭКСПО қатысушы елдерінің халықаралық тартылуы туралы ақпарат берді.

«Бүгінгі күні 48 ел және 10 халықаралық ұйым өздерінің қатысатынын ресми растады. Қатысушыларды тарту бойынша график уақытымен орындалуда. Дамушы елдерді – бір жағынан, дамыған елдерді – екінші жағынан үйлестіру теңгерімі сақталып отыр», - деп бөлісті Рәпіл Жошыбаев.

Қорытындысында көрме Комиссары 18-19 қарашада ЭКСПО-2017 Халықаралық қатысушыларының екінші жиналысы өтетінін хабарлады. Кездесуде ұлттық павильондарды орналастырудың техникалық мәселелері егжей-тегжейлі талқыланып, секция комиссарларымен нақты шарттарға қол қойылатын болады. Сондай-ақ, Рәпіл Жошыбаев қазір Қазақстан Үкіметі мен «See Agreement» Халықаралық көрмелер бюросы арасындағы қатысушылардың шетелдік пулына әртүрлі жеңілдіктер мен артықшылықтарды беруге мүмкіндік беретін келісім қол қоюға дайын екенін атап өтті. Келісімге жақын болашақта қол қойылатын болады.

Айта кетейік, 2015 жылдың желтоқсанында Елбасы Нұрсұлтан Назарбаев Париждегі саммит климатына қатысады.

Анар Тәңірқұлова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды