Щучинсктің қазандықтарын ауыстыруға 120 млн теңге бөлінді – әкімдік
7 Қазан, 2015 10:04
Щучье қаласының №18 бу қазандығына биылғы жылы қуаттылығы сағатына 13,0 Гкал болатын екi жаңа қазандық орнатылған, деп хабарлады облыс әкімдігінің баспасөз қызметі.
Қазандықтарды ауыстыруға 120 млн. теңге жұмсалыпты. Суық күндерi 13 көп қабатты үй мен жеке секторды жылытатын бұл жылу бастауында бүгiнде жылу беру қуаты артқан.
Жалпы Бурабай ауданы бойынша жылу тұтынушылар қатарына 113 бiлiм және денсаулық сақтау нысаны және 248 көпқабатты тұрғын үйлер кiредi. Бұл құрылыстарды жылыту үшiн ауданда 8 қазандық жұмыс iстейдi.
Бүгiнде жылу беру маусымының басталуына байланысты барлық қазандықтар штаттық режiмде жұмыс iстеуде. Бурабай аудандық ТКШ бөлiмiнiң басшысы Әди Елемесовтың айтуынша, жылу беру маусымына шамамен 248 млн. теңге жұмсалған.
