«Қайырымдылық» айлығы аясында Ақмола облысының 10 еңбек ардагері шипажайға жолдама алды
6 Қазан, 2015 19:02
Сандықтау ауданының аудандық Мәдениет үйінде 10 ардагерге «Бурабай» республикалық оңалту шипажайында демалуға жолдамалар табысталды, деп хабарлады Ақмола облысы әкімдігінің баспасөз қызметі.
Айта кетейік, 1 қазаннан бастап «Қайырымдылық» апталығы басталды. Шара аясында концерттер, еңбек ардагерлерімен кездесу, егде жастағы адамдарға қолдау көрсету шаралары ұйымдастырылуда.
Халықаралық қарттар күнін тойлауға бағытталған салтанатты шара өтті. Кеш кезінде ең белсенді зейнеткерлер ұлықталды. Еске түсіру кешінде қарттар өздерінің әріптестерімен, достарымен кездесті.
Айта кетерлігі, ауданда 3 мың зейнеткер бар, оның 228 тыл еңбеккері мен 3 Ұлы Отан соғысының ардагері.
