Атырау облысында 13 мыңға жуық жұмыс орны ашылды - әкімдік
7 Қазан, 2015 08:37
2015 жылдың 1 қазанына Атырау облысында 13 мыңға жуық жұмыс орны ашылды, деп хабарлады облыс әкімдігінің баспасөз қызметі.
Оның ішінде ауыл шаруашылық саласында – 334, өнеркәсіп – 95, құрылыс – 3821, көлік және қоймалау – 151, көтерме және бөлшек сауда – 321, білім және денсаулық саласында – 612 және экономикалық қызметтің басқа түрлері бойынша – 7587 жұмыс орны.
Тоғыз айдың қорытындысымен жергілікті жұмыспен қамту органдарына барлығы 12346 адам тіркелді. Оның 5498-і тұрақты жұмысқа орналастырылды, ақылы қоғамдық жұмыстарға 4625 жұмыссыз және кәсіби оқуға 1116 адам жіберілді.
Жастар практикасына 487 жас маман және Әлеуметтік жұмыс орындарына 380 адам жолданылды.
Сонымен қатар, өз ісін ашуға немесе кеңейтуге 257 адам шағын несие алды.
