ҚР-да қазақ ұлттық өнерін меңгерген этникалық топтардың фестивалі өтті
30 Қазан, 2013 15:31
Қазақстан Республикасы Мәдениет және ақпарат министрлігінің Мәдениет комитеті 2013 жылдың 30 қазанында сағат 19:00-де Астана қаласындағы Тілеп-Қобыз сарайында «Өнеріміз саған – Қазақстан!» атты қазақ ұлттық өнерін жетік меңгерген этностық топтар өкілдерінің фестивалін өткізеді, деп ҚР Мәдениет және ақпарат министрлігінің баспасөз қызметі хабарлады.
«Іс-шараның мақсаты - қазақ халқының өнері мен мәдениетін Қазақстанда тұратын этностық топтар арасында жан-жақты насихаттау, олардың арасынан қазақ халқының дәстүрлі өнерін жетік меңгерген талант иелерін анықтау, Қазақстан халқының бірлігін, достығын және патриотизмін нығайту», - деп хабарламада нақтыланған.
Алғашқы рет өткізіліп отырған бұл фестивальге қатысуға Қазақстанның түкпір-түкпірінен өтінім білдірген талапкерлердің арасынан (16 мен 45 жас аралығындағы) ең үздіктері іріктелініп алынды. Гала-концертте таңдаулы деген өнерпаздар ән, би, күй өнері бойынша өз өнерлерін көрсетеді.
