Катонқарағай ауданында халықаралық деңгейдегі жаңа әуежай салынады
6 Қазан, 2015 17:24
Катонқарағай ауданында инфрақұрылымды дамыту мақсатында аумағы 80 га жуық әуежай құрылысы жоспарлануда, деп хабарлады ШҚО ақпараттық орталығы.
Жобалық құны 13,2 млн теңге құрайтын әуежайда тікұшақ алаңымен қатар, 2 Боинг ұшақтарын қабылдайтын жолақтармен жабдықталады. Бұл жайлы баспасөз маслихаты барысында Катонқарағай ауданының әкімі Қалиқан Байғонысов мәлімдеді.
Жаңа әуежай аудан орталығы Үлкен Нарын ауылында салынады. Алдағы уақытта әуежай тек ел аумағынан ғана емес, шетелден де туристерді қабылдап, инфрақұрылымды жандандыра түспек.
«Әуежай құрылысын бастау үшін жобалық-сметалық құжаттар жүйесі әзірленуде және қажетті қаражат жолы қарастырылып жатыр. Алдағы уақытта әуежай бірнеше әуе компанияларымен бірге жұмыс жасайды деген сенімдеміз», – деді Қалиқан Байғонысов
