Жібек жолы жобасына Еуразиялық континенттің 60 елі қатысады

6 Қазан, 2015 12:11

Еуразиялық континенттің 60 елінің жобаға қатысуы 4 млрд адамды қамтуға мүмкіндік береді. Бұл Жібек Жолы аясындағы елдердің экономикалық саласының жаңа идеологиясы. Бұл туралы бүгiн Астанада өтiп жатқан «Еуразиялық экономикалық перспектива» халықаралық форумы барысында ҚР Парламентi Мәжiлiсiнiң төрағасы Қабиболла Жақыпов айтты.

«Еуразиялық Экономикалық перспектива» халықаралық форумында сөйлеген сөзінде Мәжіліс Төрағасы Қабиболла Жақыпов ЕАЭО пен «Жібек жолының Экономикалық белдеуі» қытайлық жобаның түйіскен нүктесін сөз ете келіп, экономикалық өзара іс-қимылдың базалық негізін құрайтын үш басым бағытты атап өтті.

«Қазақстан қазірдің өзінде Қытайдың, Еуропаның, Таяу Шығыс пен Оңтүтстік Азияның нарығын байланыстыратын көліктік-транзиттік магистралдың маңызды бөлігі болуға дайын. Осы мақсатта «Нұрлы жол» еліміздің инфрақұрылымдық даму жоспары жүзеге асырылуда,-деп атап өтті Қ. Жақыпов.

Мәжіліс төрағасының пікірінше, өңір экономикасының Жібек жолы арқылы жандануы 60елдің дамуын ынталандырады.

«Еуразиялық континенттің 60 елінің жобаға қатысуы 4 млрд адамды қамтуға мүмкіндік береді. Бұл Жібек Жолы аясындағы елдердің экономикалық саласының жаңа идеологиясы», - деді ол.

Қ. Жақыпов атап өткен екінші маңызды бағыт-Қытай және ЕАЭО мүше-мемлекеттердің сауда-экономикалық, индустриалдық және инвестициялық ынтымақтастығын нығайту жөнінде кешенді шаралар қабылдау.

Анар Тәңірқұлова

Барлық жаңалықтар