Қазақстанда жыл басынан бері АӨК субъектілерінің 120 қарызын субсидиялау мақұлданды
6 Қазан, 2015 17:09
Ауыл шаруашылығын қаржылай қолдау қоры ағымдағы жылдың 9 айында АӨК субъектелрінің 120 қарызын субсидиялауды мақұлдады, олар бойынша негізгі берешек сомасы 495,3 млн теңгені құрады, деп хабарлады компания.
Хабарламада аталып өткендей, 2015 жылы субсидия көлемі 73,3 млн теңгені құрады. Оның ішінде мына бағыттар бойынша несиелер субсидияландырылды: негізгі капиталды алу және құрылыс - 106 қарыз келісімдері (субсидия көлемі - 69,7 млн теңге), айналым қаражатын толтыру - 15 қарыз келісімдері (субсидия көлемі - 2,7 млн теңге); құрылыс - 1 қарыз келісімі (субсидия көлемі - 814 мың теңге).
Естеріңізге сала кетейік, ауыл шаруашылығын қолдауға берілетін кредиттер бойынша
сыйақы ставкасын субсидиялау ҚР заңнамасы аясында жүргізіледі.
Несие келісім шарттары бойынша субсидиялау теңгелей жылына сыйақысы 14 % және шетелдік валютада жылдық үстемақы 10%-дан асқанда жүргізіледі.
