«Нұрлы жол» аясында 2015 жылдың соңына қарай 600 км автожол пайдалануға беріледі
«Биыл 1972 км жолды жөндеу бойынша жұмыстар жүргізілуде, осы жылы оның 667 км ашылып, 578 автожолы тұрақты пайдаланысқа енеді», - делінген хабарламада.
Сондай-ақ, 2117 км созылған 57 учаскіде жобалық-сметалық құжаттар әзірленуде.
«Бүгінгі таңда қайта жөндеу нысандарында 10 мың құрылыс техникасы жұмылдырылған, 21 мың адам қызмет етуде», - делінген ведомствода.
Сондай-ақ, Елбасы ҚХР-ға барған сапары аясында «ҚазАвтоЖол» мен ҚХР «ЭксИмБанк» арасында Қазақстанның автожол саласында инвестициялық жобаларды қаржыландыруды ұйымдастыру бойынша келісім орнатылды.
Оның айтуынша, жалпы елімізде осы жылы құрылыс-монтаждық жұмыстар жалпы ұзындығы 1,3 мың км болатын 40 учаскеде жүруде. Сонымен қатар, 2015 жылы қосымша байқаулар өткізіп, тағы 150 км қосу жоспарланған. Атап айтқанда, Астанадан Алматыға дейінгі Теміртау, Қарағанды, Балқаш, Қапшағай арқылы өтетін жолды жөндеу жалғасын табады.
«Жөндеу аяқталғаннан кейін бірінші кезеңге төрт-алты жолақты қозғалыс орнатылады», - деп атап өтті ол.
Сондай-ақ, осы жылы Астанадан Алматыға дейінгі жол құрылысы бойынша жұмыстар жалпы ұзындығы 250 км болатын 9 учаскеде жүргізілуде.
