Қазақстанның барлық аймақтарынан «Алтын сапа» байқауына қатысуға 150-ден астам өтініш келіп түсті

6 Қазан, 2015 11:24

«Алтын сапа» байқауының ұйымдастырушылары «Атамекен» ҚР Ұлттық кәсіпкерлер палатасында қатысушылардың материалдарын бағалайтын комиссия өз жұмысын бастады.

Естеріңізге сала кетейік, Қазақстан Республикасы Президентінің жүлдесі бойынша «Алтын сапа» байқауы 2006 жылдан бастап жыл сайын өткізіліп келеді, онда ұйымдар қызмет көрсету немесе өндіретін өнімінің сапасы үшін, қауіпсіздікті қамтамасыз ету және басқару саласында үздік әдістерді енгізгені үшін марапатталады.

ҚР Президентінің Жүлдесі үш номинация бойынша беріледі: «Өндірістік мақсаттағы үздік кәсіпорын», «Халық үшін тауар шығаратын үздік кәсіпорын», «Қызмет көрсететін үздік кәсіпорын».

Әр номинацияда мына санаттар бойынша үш орын бар: шағын кәсіпкерлік субъектілері, орта кәсіпкерлік субъектілері, ірі кәсіпкерлік субъектілері.

Жақында ғана ҰКП комиссиясы ҚР Президентінің Жүлдесі «Алтын сапа» байқауының «Өндірістік мақсаттағы үздік кәсіпорын» номинациясы бойынша өтініштерді сараптады. Комиссияның ақпараты бойынша еліміздің барлық аймақтарынан келген 61 қатысушының материалы қаралды.

Оның ішінде бәсекеге қабілетті ретінде 17-сі іріктелініп алды, және 5-уі бойынша өндіріс барасында қосымша зерттеу жүргізуге ұсыныс берілді.