Алматыда ЕАЭО аймағында жедел жүк тасымалдау кезінде жүктердің сақталуы туралы келісім жүзеге асты

6 Қазан, 2015 10:38

Алматыда «Әскерилендірілген күзет қызметі» АҚ, «Ресей Федерациясы темір жолдарын қорғау мемлекеттік күзеті» ФМК, «Кыргыз темир жолу» Ұлттық компаниясы МК, «Узбекистон темир йуллари» АҚ арасында өзара серіктестік туралы келісімге қол қойылды, деп хабарлады «ҚТЖ» ҰК» АҚ баспасөз қызметі.

Кездесу барысында Еуразия құрлығындағы жедел жүк тасымалдау кезінде жүктердің сақталуын қамтамасыз етудегі өзара серіктестік жайы талқыланды.

«ӘТКҚ» АҚ президенті Мұрат Сәдуовтің айтуынша, Қазақстанда темір жол көлігімен тасымалданатын жүктерді және тұрақты нысандарды күзетудің қызмет көрсету сапасы көтеріліп келеді.

Кездесуге қатысушылар теміржол көлігіндегі және нысандарындағы әскерилендіріліген күзет қызметі сапасын көтеру жөніндегі іс тәжірибелерімен алмасты.

Тараптар халықаралық бағдарлардағы жүктерді тасымалдаудағы өзара өзекті жайларды талқылады. Сонымен қатар тараптар арасында жүктерді өткізу-қабылдау, шекаралық станциялық бекеттердегі күзетілетін жүктер туралы ақпарат алмасу, электрондық бекіту пломбылау әдістері жайында пікір алмасты.

Барлық жаңалықтар